Газ чыгару торбасы
Куллану тәртибе.
Газ чыгару торбасы - эчәклектән газ чыгарганда һәм төрле клизмалар (дарулы, майлы, гипертоник) куелышында кулланыла торган озынлыгы 30-50 см, диаметры 3-5 мм тәшкил иткән түгәрәк очлы йомшак резин торба.
Күрсәтмәләр:
- эч күбү.
Кулланырга ярамаган очраклар:
- эчәкләрдән кан китү;
- юан эчәктә яки арт юл тирәсендә көчле ялкынсыну яки җәрәхәтләнү процесслары;
- туры эчәктә яман шеш авырулары;
- арт юл тирәсендә ярылулар;
- туры эчәк төшү;
- канлы күтән чыгу (геморрой).
Газ чыгару торбасын куллану тәртибе:
- Процедура үткәрергә уңайлы халәт сайлагыз (сул як белән ятыгыз аякларны тездән бөгеп, җиңелчә корсакка таба китерегез;
- Газ чыгару торбасының түгәрәкләнеп торган очын 30 см озынлыгында вазелин белән майлагыз;
- Газ чыгару торбасының түгәрәкләнеп торган очын уң кул белән язу каләме кебек тотып, икенче очын 4 нче һәм 5 нче бармакларыгыз белән кысыгыз;
- Сул кулның 1 нче һәм 2 нче бармаклары белән арт саннарын аерып, уң кул ярдәмендә сак кына арт юл тишегенә газ чыгару торбасының 3-4 см өлешен башта кендеккә таба, аннан умыртка баганасына параллель рәвештә, 15-30 см тирәнлеккә кертегез, тышкы яктагы очы кимендә 10 см калырга тиеш;
- Торбаның буш очын сулы суднога төшерегез;
- Торбаны эчәклектә газ тулысынча чыгып беткәнче 1-2 сәгатьләп тотыгыз;
- 1-2 сәгатьтән соң газ чыгару торбасын сак кына эчәклектән чыгарыгыз;
- Арт юл тишеге янындагы тирене салфетка белән корытыгыз;
- Газ чыгару торбасындагы вазелин калдыкларын салфетка белән сөртеп алыгыз һәм юыгыз.
автор: Казан дәүләт медицина университетының Фармация институты доценты, фармацевтика фәннәре кандидаты Гарифуллина Гүзәл Хисам кызы
. . .